Չնայած այն բանին, որ անցյալ շաբաթ ԱՄՆ նախագահ Դոնալդ Թրամփը հրաժարվել է Իրանին հարվածներ հասցնելուց, նա նախկինի պես պնդում է, որ իր օգնականներն, իր իսկ ձևակերպմամբ, «վճռական» ռազմական տարբերակներ առաջարկեն։
Այս մասին The Wall Street Journal-ին հայտնել են ամերիկացի պաշտոնյաները։
Քննարկումներն ընթացել են Մերձավոր Արևելքում ԱՄՆ-ի կողմից ավիակիր և կործանիչներ ուղարկելու ֆոնին։ Այս տեղակայումները կարող են սկիզբ դառնալ ռազմական հզորության ավելի լայնածավալ կուտակման, ինչը Թրամփին հնարավորություն կտա օգտագործել անհրաժեշտ հարվածային ուժը՝ Իրանին հարվածելու համար (եթե նա որոշի կիրառել այն)։
Պարբերականը նաև հաղորդում է, որ ամերիկյան F-15E կործանիչները կիրակի օրը վայրէջք են կատարել Հորդանանում։
