ԱՄՆ նախագահ Դոնալդ Թրամփը պնդում է, որ Գրենլանդիան ԱՄՆ-ին անհրաժեշտ է Ազգային անվտանգության ապահովման համար, այլ ոչ թե նրա օգտակար հանածոների նկատմամբ վերահսկողություն ձեռք բերելու նպատակով: Այս մասին փոխանցում է ՏԱՍՍ-ը։
«Մեզ Գրենլանդիան անհրաժեշտ է ազգային անվտանգության նկատառումներից ելնելով։ Ոչ թե հանքանյութերի համար։ Մենք այնքան շատ հանքային հանքավայրեր և նավթ ունենք։ Մենք ավելի շատ նավթ ունենք, քան աշխարհի որևէ այլ երկիր։
Մեզ Գրենլանդիան անհրաժեշտ է ազգային անվտանգության նկատառումներից ելնելով»,-ասել է Թրամփը՝ լրագրողների հետ խոսելով Մար-ա-Լագո կալվածքում։
«Եթե նայեք Գրենլանդիային՝ ափի երկայնքով, ապա այնտեղ ամենուր ռուսական և չինական նավեր են։ Այն մեզ պետք է Ազգային անվտանգության պատճառով։ Մենք պետք է այն ունենանք»,-ասել է ամերիկյան վարչակազմի ղեկավարը։
Ընդ որում, նա արհամարհական է արտահայտվել կղզու գործերում Դանիայի դերի մասին։ Թրամփը կարծիք է հայտնել, որ Կոպենհագենը չի հատկացնում այդ նպատակների համար անհրաժեշտ միջոցները և չի ապահովում Գրենլանդիայի «ռազմական պաշտպանությունը»:
«Նրանք ասում են, որ Դանիան այնտեղ է եղել նաև 300 տարի առաջ, [նշում են] նավը կամ նման մի բան։ Դե, մենք, վստահ եմ, նույնպես այնտեղ նավերով ենք եղել»,-նշել Է Թրամփը։
«Մենք ստիպված կլինենք կարգավորել այս ամենը»,-ընդգծել Է Թրամփը՝ չմանրամասնելով:
