Շնորհիվ մեր հայրենակիցների, Փաշինյանի այսօրվա ծրագիրը տապալվեց, սակայն եկեղեցու պաշտպանությունն առաջիկայում շարունակում է մնալ օրակարգային գլխավոր հարցը, այս մասին հայտարարել է ՀՅԴ Հայաստանի Գերագույն մարմնի ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը։
«Այս օրը հաղթական էր, բայց զգոնությունը չենք թուլացնում, նոր հարված է լինելու։ Տիրադավները, Փաշինյանի թելադրանքով, ցանկանում էին Մայր Աթոռում տպավորություն ստեղծել, թե Վեհափառի հրաժարականի պահանջ կա։ Մենք ձախողեցինք ազգադավների ծրագիրը։ Մեր աջակցությունն ու զորակցությունը ցույց տվեցինք Եկեղեցուն և Վեհափառին»,-նշել է նա։
