Մայր Աթոռի բակում հավաքվել են հարյուրավոր քաղաքացիներ, որոնք եկել են իրենց աջակցությունը հայտնելու Ամենայն Հայոց Գարեգին Բ կաթողիկոսին: Ընդդիմության գրեթե բոլոր ուժերի ներկայացուցիչներն ավելի վաղ հայտարարել են կաթողիկոսին աջակցության այս հավաքին իրենց մասնակցության մասին:
Հիշեցնենք, որ Նիկոլ Փաշինյանին աջակցող եպիսկոպոսները հայտարարություն էին տարածել այն մասին, որ այսօր՝ ժամը 17:00-ին գնալու են Մայր Աթոռ, որտեղ պահանջելու են կաթողիկոսի հրաժարականը և քաղաքացիներին էլ կոչ էին արել միանալ իրենց: Դրանից հետո ՀԱԵ Արագածոտնի թեմը, որի առաջնորդը կալանավորված բարձրաստիճան հոգևորականների շարքում է, հայտարարեց, որբ Բյուրականի Սուրբ Հովհաննես եկեղեցում այսօր նախատեսված միասնական ժամերգությունը՝ <<անազատության մեջ գտնվող հոգեևոր հայրերի, ազատազրկված և գերեվարված զավակների և մեր սուրբ եկեղեցու անսասանությասն համար>> տեղափոխվում է Մայր Աթոռ Սուրբ Էջմիածին. ժամերգությունը կսկսվի կաթողիկոսի հրաժարականը պահանջողների հավաքի հետ միաժամանակ՝ ժամը 17:00-ին:
Նիկոլ Փաշինյանը հայտարարել է, որ ինքը չի միանալու այսօրվա եպիսկոպոսների ակցիային, սակայն աջակցում է նրանց:
Նշենք, որ առավոտից էջմիածին ոստիկանական մեծաթիվ ուժեր են բերվել, դեպի Էջմիածին տանող ճանապարհը կեսօրից հետո խցանված էր ոստիկանական մեքենաների պատճառով:
