Հայաստանի առողջապահության նախարար Անահիտ Ավանեսյանի ակնկալիքները չեն արդարացվելու։ Եվ ես պնդում եմ դա։ Այս մասին դեկտեմբերի 2-ին Ազգային ժողովի նիստում, «Ընդհանուր բժշկական ապահովագրության մասին» օրինագծերի փաթեթի և հարակից օրենքներում փոփոխությունների քննարկման ժամանակ հայտարարել է իշխող «Քաղաքացիական պայմանագիր» խմբակցությունից հեռացված պատգամավոր Հովիկ Աղազարյանը։
Նրա խոսքով՝ պատգամավորները և մնացած բոլորը «անցյալից են եկել»։ Նրանցից ոչ մեկը «ապագայից» չի եկել։
«Այն ժամանակ, որ դուք ծնված ճէիք, ես ապրում էի Խորհրդային Միությունում և առողջապահությունն անվճար էր՝ ձրի։ Հայաստանում այդպես չէ։ Հայաստանում, եթե դու փող չունենայիր՝ մեռնելու էիր։Փող ունենալու դեպքում էլ կարող է բուժվեիր, կարող է չբուժվեիր», — ասել է Աղազարյանը։
Նրա խոսքով՝ Հայաստանը պետք է ներդնի իր ժողովրդի մենթալիտետին համապատասխանող առողջության ապահովագրության համակարգ։
