Comex բորսայում (Նյու Յորքի ապրանքային բորսայի ստորաբաժանում) 2026 թվականի մարտ ամսվա արծաթի ֆյուչերսները հասել են ռեկորդային բարձրակետի՝ առաջին անգամ գերազանցելով մեկ տրոյական ունցիայի համար 55 դոլարը, գրում է «Коммерсантъ»-ը՝ հղում անելով առևտրային հարթակի տվյալներին։
Երևանի ժամանակով 20:54-ի դրությամբ գները բարձրացել են 5,09%-ով՝ հասնելով մեկ ունցիայի համար 56,335 դոլարի։ Ավելի վաղ՝ նոյեմբերի 13-ին, դեկտեմբեր ամսվա ֆյուչերսները բարձրացել են մեկ ունցիայի համար 54 դոլարից բարձր։
Տարվա սկզբից ի վեր արծաթը թանկացել է ավելի քան 85%-ով։ Գնի աճը կապված է ԱՄՆ կարգավորողի դրամավարկային քաղաքականության հետ։ Լրացուցիչ գործոն էր ԱՄՆ կառավարության գործունեության ժամանակավոր դադարեցումը, որը նվազեցնում է դոլարի նկատմամբ վստահությունը և մեծացնում թանկարժեք մետաղների ներդրողների հոսքը։
