Իրանը դիտարկում է երկաթուղով Հայաստան ապրանքներ տեղափոխելու հնարավորությունը, որը կանցնի Նախիջևանով, հայտարարել է Իրանի երկաթուղիների ղեկավար Ջաբար Ալի Զաքերին՝ Report-ի փոխանցմամբ:
Նրա խոսքով՝ բանակցություններ են վարվել Հայաստանի երկաթուղիների օպերատոր «Հարավկովկասյան երկաթուղիներ» ՓԲԸ ներկայացուցիչների հետ ԱՊՀ Երկաթուղային տրանսպորտի խորհրդի 83-րդ նիստի շրջանակներում։
Բանակցությունները վերաբերում էին Նախիջևանով Իրանից Հայաստան որոշ բեռների մատակարարմանը։
«Սա հնարավորություն կտա ապագայում Նախիջևանում երկաթուղի գործարկել։ Մենք հանձնառու ենք այս նախագիծը հնարավորինս շուտ իրականացնել», — ասել է Զաքերին։
