Գերմանիայի ամբողջ տարածքում ավանդական Սուրբ Ծննդյան տոնավաճառները վերաբացվել են՝ նախորդ տարիների միջադեպերից հետո ուժեղացված անվտանգության միջոցառումներով, երկուշաբթի հաղորդել են գերմանական լրատվամիջոցները։
Բեռլինում այսօր առավոտյան Կայզեր Վիլհելմի հուշահամալիր եկեղեցում բացվել է խոշորագույն տոնավաճառը՝ մատուցված պատարագի հետ մեկտեղ։ Տոնավաճառները են բացվել նաև քաղաքապետարանի մոտ, Ժանդարմենմարկտ հրապարակում և Շառլոտենբուրգի պալատի կողքին։
Ըստ Die Zeit պարբերականի՝ քաղաքապետ Պետեր Չենխերը Համբուրգի քաղաքապետարանի առջև բացել է պատմական սուրբծննդյան տոնավաճառը։ Քաղաքային պաշտոնյաների տվյալներով՝ Համբուրգի տոնավաճառն ամեն տարի գրավում է մոտ 3 միլիոն այցելու։
Քյոլնի տոնավաճառը, որը գտնվում է քաղաքի գլխավոր տեսարժան վայրի՝ Քյոլնի տաճարի դիմաց, բացվել է շաբաթ օրը։ Կազմակերպիչները հայտնել են, որ այս տարի, ոստիկանության հետ սերտ համագործակցությամբ, նրանք մշակել են անվտանգության նոր հայեցակարգ, ներառյալ լրացուցիչ հակաահաբեկչական ցանկապատեր և մասնավոր անվտանգություն։
Լրատվամիջոցները հիշեցնում են, որ 2024 թվականի դեկտեմբերին Մագդեբուրգում վեց մարդ զոհվել է, իսկ ավելի քան 200-ը՝ վիրավորվել, երբ ավտոմեքենան կանխամտածված կեևպով մխրճվել է շուկայի այցելուների ամբոխի մեջ։
2016 թվականի դեկտեմբերին սուրբծննդյան տոնավաճառների ժամանակ նմանատիպ միջադեպ էր տեղի ունեցել. Բեռլինի Բրայթշայդպլաց հրապարակում բեռնատարի վրաերթի հետևանքով զոհվել էր 12 մարդ, մոտ 50-ը ստացել էին տարբեր աստիճանի մարմնական վնասվածքներ։
