Բելառուսի նախագահ Ալեքսանդր Լուկաշենկոն ներում է շնորհել Ուկրաինայի 31 քաղաքացու։ Այս մասին լրագրողներին հայտնել է Բելառուսի նախագահի մամուլի քարտուղար Նատալյա Էյսմոնտը, տեղեկացնում է «Բելտա»-ն։
«ԱՄՆ նախագահ Դոնալդ Թրամփի և Բելառուսի Հանրապետության նախագահ Ալեքսանդր Լուկաշենկոյի միջև ձեռք բերված պայմանավորվածությունների զարգացման շրջանակում՝ ուկրաինական կողմի խնդրանքով, հարևան պետությունում զինված հակամարտության կարգավորման պայմաններ ստեղծելու նպատակով, մարդասիրության սկզբունքներից ելնելով և որպես բարի կամքի դրսևորում, նախագահը ներում է շնորհել Ուկրաինայի 31 քաղաքացու, որոնք քրեական հանցագործություններ են կատարել մեր երկրում», — հայտարարել է Նատալյա Էյսմոնտը։
Նա հայտնել է, որ այժմ տեղի է ունենում նրանց փոխանցումը ուկրաինական կողմին։
