Բանգլադեշի նախկին վարչապետ Շեյխ Հասինան հեռակա կարգով դատապարտվել է մահապատժի՝ մարդկության դեմ հանցագործությունների համար, որոնք կապված են անցյալ տարի կառավարության դեմ բողոքի ցույցերի դաժան ճնշման հետ, հաղորդում է BBC-ն:
Որոշումը կայացրել է մայրաքաղաք Դաքքայի հատուկ դատարանը:
«Մեղադրյալ վարչապետը մարդկության դեմ հանցագործություններ է կատարել՝ հրամայելով օգտագործել անօդաչու թռչող սարքեր, ուղղաթիռներ և մահացու զենքեր», — ասել է դատավորը:
Դատավճռի հրապարակումից հետո դատարանի դահլիճում և դրսում ծափահարություններ են հնչել։
