«Մեր ձևով» ժողովրդական շարժման ներկայացուցիչները համացանցում կոչ են անում Վաղարշապատ համայնքի բնակիչներին անպայման մասնակցել կիրակի կայանալիք օրը նոյեմբերի 16-ին կայանալիք համայնքային ընտրություններին:
Մասնավորապես, շարժման անդամները ֆլեշմոբ ակցիա են իրականացնում կոչ անելով մերժել իշխող Քաղաքիացիական պայմանագիր կուսակցությանը և ՔՊ «արբանյակ» կուսակցություններին և ձայնը տալ իրական ընդդիմության թեկնածուներին:
«Մեր ձևով» ժողովրդական շարժման անդամ Գոհար Ղումաշյանը հայտարարել է, որ Վաղարշապատի բնակիչներին հորդորել են գնալ ընտրությունների և իրենց ձայնը տալ ընդդիմադիր ուժերին։
«Խիստ կարևոր է, որ ընդդիմադիր ուժերը հաղթեն Վաղարշապատի ընտրություններում»,-այս մասին նշել է «Մեր ձևով» ժողովրդական շարժման անդամ Հայկ Ֆարմանյանը։
Հիշեցնենք` հոկտեմբերի 19-ին «Մեր ձևով» ժողովրդական շարժման համակարգող Նարեկ Կարապետյանը շարժման կողմից դեպի Մայր Աթոռ կազմակերպված ուխտագնացությունից հետո նշել էր, որ «Մեր ձևով» շարժումը Վաղարշապատի առաջիկա ընտրություններին աջակցում է բոլոր այն ուժերին, որոնք դեմ են Քաղաքացիական պայմանագիր կուսակցությանը:
