Հայաստանում պայմանագրային զինծառայողը ատեստավորում անցնելու դեպքում կարող է ստանալ լրացուցիչ աշխատավարձ՝ 205 հազարից մինչև 470 հազար դրամի չափով։ Այս մասին նոյեմբերի 13-ին Ազգային ժողովի նիստում՝ 2026 թվականի պետական բյուջեի նախագծի քննարկման ժամանակ, հայտարարել է պաշտպանության նախարար Սուրեն Պապիկյանը։
Դա, ըստ նրա, էական բարելավում է, որը դրականորեն է անդրադարձել զինծառայողների սոցիալական վիճակի վրա։ «Այս պահին մեր կողմից մեկնարկած գործընթացին մասնակցած զինծառայողների 65%-ն արդեն անցել է ատեստավորում», — հավելել է Պապիկյանը։
