Համայնքային ոստիկանության Աշտարակի բաժնում հոկտեմբերի 31-ին ստացվել էր հավաստի տեղեկություն, որ Աշտարակ քաղաքի Ալիշանի փողոցի 55-ամյա բնակիչը տնամերձ հողամասում աճեցրել է կանեփ, որից պատրաստած մարիխուանան պահում է տանն ու օժանդակ շինություններում։
ՀՀ ՆԳՆ ոստիկանությունից հայտնում են, որ Արագածոտնի մարզային քննչական վարչությունում նախաձեռնված քրեական վարույթի շրջանակում նոյեմբերի 4-ին կատարված խուզարկությամբ տանը և օժանդակ շինություններում հայտնաբերվեցին մարիխուանայի նմանվող` ընդհանուր ավելի քան 120 գրամի զանգվածներով լցված տարաներ ու փաթեթ, նաև` կանեփի սերմ, կրակված ութ պարկուճ և մեկ փամփուշտ։
Հանգամանքները պարզվում են։
