Ռուսաստանից ցորենի առաջին խմբաքանակը Ադրբեջանի տարածքով հասել է Հայաստան։ Այս մասին Հանրային հեռուստաընկերության եթերում հայտնել է էկոնոմիկայի նախարար Գևորգ Պապոյանը։
«Սա ռուսական ցորենն է, որը սովորաբար գալիս էր Վերին Լարսով։ Գիտեք՝ այնտեղ ինչպիսի դժվարություններ կային՝ հերթեր, և միևնույն ժամանակ տրանսպորտային հաղորդակցությունը բավականին խոչընդոտներ ուներ։ Սա Ռուսաստանի տարածքով երկաթուղով եկել է Ադրբեջան, և քանի որ Հայաստան–Ադրբեջան այս պահին ուղիղ երկաթուղային հաղորդակցություն մենք չունենք, մտել է Վրաստան և Վրաստանից՝ Հայաստան»,– ասել է նախարարը։
Նրա խոսքով՝ Ադրբեջանի տարածքով ղազախական ցորենը ևս մի քանի օրից կհասնի Հայաստան։
