Իրանի արտաքին գործերի նախարարությունը հաստատել է, որ անվտանգության հետ կապված մեղադրանքներով բանտարկված երկու ֆրանսիացի քաղաքացիներ ազատ են արձակվել գրավի դիմաց՝ մինչև հետագա դատական գործընթացները, հաղորդում է Mehr-ը։
Իրանի արտաքին գործերի նախարարության խոսնակ Էսմայիլ Բաղային չորեքշաբթի օրը հայտարարել է, որ երկու ֆրանսիացի քաղաքացիներ, որոնք նախկինում Իրանում կալանավորվել էին անվտանգության հետ կապված հանցագործությունների համար, պայմանականորեն ազատ են արձակվել։
«Այս երկու ֆրանսիացի քաղաքացիները, որոնք կարճ ժամանակով բանտարկվել էին անվտանգության հետ կապված հանցագործությունների համար, գրավի դիմաց ազատ են արձակվել նախագահող դատավորի որոշմամբ», — լրագրողների հարցերին պատասխանելով ասել է Բաղային։
Նա հավելել է, որ երկու անձինք էլ կմնան հսկողության տակ մինչև դատական վերանայման հաջորդ փուլը։
Նախագահ Էմանուել Մակրոնը նախկինում հայտարարել էր երկու ֆրանսիացի քաղաքացիների Իրանի Էվին բանտից ազատ արձակման մասին։ Նա հավելել է, որ ջանքեր են գործադրվում նրանց արագ վերադարձն Իրան ապահովելու համար։
