«Առաջարկ Հայաստանին» նախաձեռնությունը՝ «Գագիկ Ծառուկյան» բարեգործական հիմնադրամի աջակցությամբ, Ուսանողության միջազգային տոնին ընդառաջ հայտարարում է մրցույթ հետևյալ անվանակարգերում․
1. Երիտասարդների ուսման հնարավորությունների բարելավում
2. Երիտասարդների աշխատանքի ապահովման խնդիրը
3. Ի՞նչ անել, որպեսզի երիտասարդները մնան Հայաստանում
4. Ի՞նչ անել, որպեսզի հեռացած երիտասարդները վերադառնան Հայաստան
5. Առողջ սերունդ. Ինչպե՞ս մասսայականացնել սպորտը երիտասարդության շրջանում
6. Պայքար թմրամոլության դեմ
Հայտը ներկայացնել հետևյալ ձևաչափով.
• Խնդրի համառոտ նկարագրում
• Լուծումերի կոնկրետ քայլեր
• Առաջարկներ
Լավագույն առաջարկների համար նախատեսված են խոշոր դրամական պարգևներ։ Լավագույն առաջարկները կներառվեն՝ «Առաջարկ Հայաստանին» ծրագրի մեջ։ Լավագույն առաջարկների հեղինակները կներգրավվեն «Առաջարկ Հայաստանին» թիմի աշխատանքներում։ Նախատեսված են մեծ թվով խրախուսական մրցանակներ։
Մրցույթին կարող են մասնակցել 16-ից 35 տարեկան երիտասարդները։
Նույն հեղինակը առաջարկներ կարող է ներկայացանել տարբեր անվանակարգերում։
Հետաքրքիր ու համարձակ գաղափարներով մասնակիցը դառնանք մեզ հուզող խնդիրների լուծմանը։
Նոր գաղափարներ, նոր հետաքրքիր առաջարկներ, նոր լուծումներ։
Հայտերը մինչև նոյեմբերի 16-ը կարող եք ուղարկել [email protected] էլեկտրոնային հասցեին կամ ներկայացնել Արգիշտի 9 հասցեում գտնվող գրասենյակ։ Հեռ․ 010-600-601
