Հաղարծինի մոտ վթարի հետևանքով տուժածներից երեքի վիճակը միջին ծանրության է գնահատվում: Այս մասին հայտնեց Առողջապահության նախարարության խոսնակը: Տուժած քաղաքացիները շարունակում են բուժօգնություն ստանալ:
Մնացած տուժածները դուրս են գրվել։
Հիշեցնենք՝ Հաղարծին վանական համալիրի մոտակայքում Վալերի Բրյուսովի անվան պետական համալսարանի ուսանողներին տեղափոխող ավտոբուսը դուրս էր եկել ճանապարհի երթևեկելի գոտուց և, բախվելով ծառերին, կիսակողաշրջված հայտնվել անտառի մեջ։
Ավտոբուսի վթարի հետևանքով հոսպիտալացվածների թիվը հասել էր 30-ի։ Տուժածները մարզային բժշկական կենտրոնում ստացել են անհրաժեշտ բուժօգնություն: Հանրապետական շտապօգնության ծառայության միջոցով կազմակերպվել էր տուժածներից 9-ի տեղափոխումը երևանյան բուժհաստատություններ:
