Հայաստանի ազգային հավաքականի ավագ Տիգրան Բարսեղյանը որակազրկվել է երեք խաղով: Այս մասին NEWS.am Sport-ին հայտնեցին Հայաստանի Ֆուտբոլի ֆեդերացիայից։
Հոկտեմբերի 14-ին Դուբլինում անցկացված աշխարհի առաջնության ընտրական մրցաշարի Իռլանդիա — Հայաստան մրցախաղում Եղիշե Մելիքյանի գլխավորած թիմի ավագ, «Սլովանի» հարձակվող Տիգրան Բարսեղյանը կարմիր քարտ ստացավ 52-րդ րոպեին մրցակցի հետ վիճաբանության ժամանակ նրա դեմքին գլխով հարվածելու համար։
ՈւԵՖԱ-ի որոշմամբ՝ հավաքականի ավագը բաց կթողնի նոյեմբերին կայանալիք երկու ընտրական հանդիպումները՝ Հունգարիայի և Պորտուգալիայի դեմ, նաև ազգային թիմի եւս մեկ պաշտոնական խաղ։
