Սեպտեմբերի 30-ին Երևանում իր աշխատանքն է սկսել «Countries Under One Roof» («Երկրներ մեկ տանիքի տակ») միջազգային համաժողովը։
Միջոցառման շրջանակներում Հայաստան են ժամանել ԱՄՆ-ից, Չեխիայից, Կիպրոսից, Ռուսաստանից, Կանադայից, Իրանից և այլ երկրներից պատվիրակություններ և պաշտոնյաներ, այդ թվում՝ դիվանագիտական կառույցների ներկայացուցիչներ։
Մասնակիցները (ավելի քան 200 մարդ) մտադիր են քննարկել Հայաստանի տնտեսական զարգացման հարցերը և երկրի առջև ծառացած առկա խնդիրները, այդ թվում՝ արտասահմանյան կապիտալի ներգրավման հարցերը։
Միջոցառումը հնարավորություն կտա քննարկել ֆինանսական, կառավարման, զբոսաշրջության և այլ հարցեր, ինչպես նաև ամրապնդել հայ գործարարների և արտասահմանյան գործընկերների միջև գործարար կապերը։
Սպասվում է նաև գիտաժողովի 25 անվանակարգերում հաղթողների պարգևատրման արարողությունը:
