Լատվիայի ափերի մոտ ՆԱՏՕ-ի ուժերը հինգ ռուսական ռազմական ինքնաթիռ են գրանցել՝ երեք ՄիԳ-31, Սու-30 և Սու-35։ ՆԱՏՕ-ի տվյալներով՝ նրանք խախտել են թռիչքների անվտանգության միջազգային կանոնները։ Դրանք որսալու համար օդ են բարձրացվել հունգարական կործանիչներ, հայտնում է Bild-ը։
Լատվիայի պաշտպանության նախարար Անդրիս Սպրուդսը հայտարարել է, որ Մոսկվայի նման գործողությունները ցույց են տալիս ՆԱՏՕ-ի ուժեղացման անհրաժեշտությունը։
Բացի այդ, նախօրդ օրը երեկոյան Շվեդիայում՝ Կառլսկրունայի ռազմածովային բազայի մոտ, չճանաչված դրոններ են նկատվել, հայտնում է տեղական P4 Blekinge պարբերականը։
Լարվածությունն էլ ավելի սրվեց Ekstra Bladet-ի դանիացի լրագրողների կողմից կատարված հայտնագործությամբ։ Նրանք Դանիայի ափերի մոտ հայտնաբերել են ռուսական «Ալեքսանդր Շաբալին» դեսանտային նավը, որը մի քանի օր առանց իր տեղորոշիչ ազդանշանի էր մնացել՝ Լանգելանդ կղզուց ընդամենը 12 կիլոմետր հեռավորության վրա։
