Կառավարությունն իր այսօրվա՝ սեպտեմբերի 25–ի նիստում հավանություն տվեց Հայաստանի Հանրապետության և Զարգացման ֆրանսիական գործակալության միջև թիվ CAM 1030 01 վարկային համաձայնագրին։
Սույն բյուջետային ֆինանսավորումը, որը կազմում է 150 մլն եվրո վարկային միջոցներ, բազմամյա ծրագրի (2019-2025) երրորդ փուլն է, և այն ունի երկու հիմնական նպատակ․
ամրապնդել տնտեսական և ֆինանսական կառավարումը, մասնավորապես՝ բարելավելով պետական ֆինանսների կառավարման արդյունավետությունը,
բարելավել ցածր ածխածնային և դիմացկուն տնտեսության անցման պլանավորումը և ֆինանսավորումը,
Ծրագիրն ունի միջամտության երեք հիմնական թեմատիկ բաղադրիչ՝
հանրային ֆինանսների կառավարման համակարգի բարելավում՝ հանրային ծառայությունների արդյունավետ ու կայուն տրամադրման և ենթակառուցվածքի ապահովման համար.
պետական արժեթղթերի թողարկման և կառավարման շրջանակի ու փողի շուկաների ենթակառուցվածքի ամրապնդում.
ձեռնարկատիրական գործունեության ֆինանսավորման նոր գործիքների մշակում և առավել թափանցիկ կառավարման ապահովում։
Բյուջետային աջակցությունը նախատեսվում է իրականացնել 2025 թվականին։
Համաձայնագրով առաջարկվող վարկավորման պայմաններն են․
վարկի գումար՝ 150 մլն եվրո,
համաֆինանսավորում՝ Ասիական Զարգացման Բանկի կողմից 150 մլն եվրո,
վարկի գումարը տրամադրվելու է մեկ մասնաբաժնով։
տոկոսադրույք` յուրաքանչյուր մասհանման համար Վարկառուն կարող է ընտրել լողացող կամ ֆիքսված տոկոսադրույք։
Լողացող տոկասադրույք կկազի 3.308%։
Մայր գումարը ենթակա է մարման 38 հավասարաչափ կիսամյակային վճարումներով` սկսած 2026թ. մինչև 2045թ.-ը,
վարկի ժամկետ՝ 20 տարի, արտոնյալ ժամկետ՝ մեկ տարի,
վարկի սպասարկման գծով վճարումները կատարվում են կիսամյակային կտրվածքով` յուրաքանչյուր տարվա հունիսի 15-ը և դեկտեմբերի 15-ը:
