Սեպտեմբերի 23-ին «Հայկական ժողովրդավարության ֆորումում» կայացած պանելային քննարկման ժամանակ ՀՀ վարչապետ Նիկոլ Փաշինյանը առաջարկեց փոխել հայերի վերաբերմունքը «երազանք», «իդեալ» և «ապագա» բառերի նկատմամբ։
«Կան տարբեր կարծիքներ։ Ոմանք կարծում են, որ Հայաստանում չափազանց շատ ժողովրդավարություն կա, ոմանք՝ որ դա բավարար չէ, ոմանք՝ որ ընդհանրապես ժողովրդավարություն չկա, իսկ մյուսները՝ որ Հայաստանում բռնապետություն է հաստատվել։ Ի՞նչ դեր ունեմ այստեղ։ Պետք է գամ և ապացուցեմ, որ Հայաստանում ժողովրդավարությո՞ւն կա։ Հնարավոր է՝ լսարանում կան մարդիկ, ովքեր կսկսեն պնդել, որ Հայաստանում ժողովրդավարություն չկա», — ասաց Փաշինյանը։
Նա, մասնավորապես, առաջարկեց փոխել մեր վերաբերմունքը «երազանք», «իդեալ» և «ապագա» բառերի նկատմամբ. «Ինչո՞ւ պետք է երազենք ժողովրդավարության մասին, եթե այսօր կարող ենք քննարկել այն, ստեղծել և կառուցել այն։ Եկեք վերադառնանք նախորդ ժամանակաշրջան և տեսնենք, թե ինչի մասին ենք երազել կամ չենք երազել։ Վերադառնանք 2018 թվական։ Սկսելու համար, հարկ է նշել, որ 2018 թվականի հեղափոխությունը տեղի է ունեցել առանց բռնության կամ ցնցումների։ Արդյո՞ք այդ ժամանակից ի վեր Հայաստանում կեղծված ընտրություններ են եղել։ Կարծում եմ՝ չափազանց հավակնոտ չի լինի «ոչ» ասելը։ Կարո՞ղ է արդյոք այսօր Հայաստանում որևէ մեկը հայտնել իր կարծիքը։ Կարծում եմ՝ այո։ Արդյո՞ք այսօր Հայաստանում ինտերնետ հասանելիության սահմանափակում կա։ Կարծում եմ՝ ոչ», — նշեց վարչապետը։
