Փաստաթուղթը պարաֆավորված է, խաղաղությունը հաստատված է։ Այդ մասին կառավարության նիստից հետո կայացած ճեպազրույցում հայտարարել է ՀՀ արդարադատության նախարար Սրբուհի Գալյանը՝ պատասխանելով այն հարցին, թե ինչու է Բաքուն պահանջում փոխել Հայաստանի Սահմանադրությունը՝ սպառնալով հակառակ դեպքում ընդհանրապես չստորագրել խաղաղության համաձայնագիրը։
«Խաղաղությունն ունի գին և վճարել կամ չվճարել որոշում է ժողովուրդը։ Մենք առաջնորդվում ենք խաղաղության օրակարգով և այդ օրակարգը թելադրված է ժողովրդի կողմից»,- հայտարարել է Գալյանը՝ հավելելով, որ «Սահմանադրությունը փոխելը մեր և մեր ժողովրդի ներքին գործն է, և ոչ այլ անձի կամ երկրի»։
