Լայնածավալ ռազմական հակամարտության հեռանկարն ավելի մոտ է, քան Երկրորդ համաշխարհային պատերազմից ի վեր որևէ պահի, հայտարարել է Լեհաստանի վարչապետ Դոնալդ Տուսկը՝ մեկնաբանելով երկրի օդային տարածքի խախտումը, հաղորդում է The Guardian-ը։
Նրա խոսքով, անցյալ գիշեր տեղի ունեցած խախտումները «անվտանգության ավելի լայն պատկերի միայն մի մասն են, քանի որ Ռուսաստանը և Բելառուսը մտադիր են այս շաբաթվա վերջին ագրեսիվ զորավարժություններ անցկացնել»։
«Չկա որևէ պատճառ ասելու, որ մենք պատերազմական վիճակում ենք… բայց ներկայիս իրավիճակը շատ ավելի վտանգավոր է, քան նախորդ բոլոր իրավիճակները», — ասել է Լեհաստանի վարչապետը։
Դոնալդ Տուսկի խոսքով՝ «ՆԱՏՕ-ի անդամների առաջին ազդանշանները վկայում են իրավիճակի լրջության և այս համատեքստում Ուկրաինային շարունակաբար աջակցելու կարևորության ըմբռնման մասին»։
Նա ընդգծել է Լեհաստանի աջակցությունը Ուկրաինային Ռուսաստանի հետ պատերազմում՝ նշելով, որ սա նաև հիմնարար նշանակություն ունի Լեհաստանի անվտանգության համար։
