ՀՀ աշխատանքի և սոցիալական հարցերի նախարար Արսեն Թորոսյանը «Ֆեյսբուք»-ի իր էջում տեղեկացրել է, որ հերթական դատական գործն է շահել բոլոր ատյաններում:
«Ըստ այդմ՝ դատարանը պարտավորեցրել է Սոֆիա Հովսեփյանին ներողություն խնդրել` տեղադրելով հետևյալ հայտարարությունը:
«Ես՝ Սոֆիա Հովսեփյանս, ներողություն եմ խնդրում Արսեն Թորոսյանից
04.08.2023 թվականին ես Ֆեյսբուք սոցիալական կայքի իմ անձնական էջում կատարել եմ հրապարակում պարոն Թորոսյանի վերաբերյալ: Հայտնում եմ, որ հրապարակումն իր մեջ պարունակում է վիրավորական արտահայտություններ Արսեն Թորոսյանի վերաբերյալ, ինչի համար ներողություն եմ խնդրում պարոն Թորոսյանից»,- գրել է Թորոսյանը:
Նշենք՝ ՀՀ աշխատանքի և սոցիալական հարցերի նախարար Արսեն Թորոսյանի վերաբերյալ Սոֆյա Հովսեփյանի կատարծը գրառումը Երևան քաղաքի ընդհանուր իրավասության դատարանի վճռով ճանաչվել է վիրավորանք:
Դեռևս 2023թ. օգոստոս 4-ին Սոֆյա Հովսեփյանը «Ֆեյսբուք»-ի անձնական էջով տարածել էր այդ ժամանակ ԱԺ պատգամավոր Արսեն Թորոսյանին վիրավորող գրառում:
