Մադրիդի «Ռեալի» գլխավոր մարզիչ Խաբի Ալոնսոն ճանաչվել է Իսպանիայի առաջնության օգոստոս ամսվա լավագույն մարզիչ, հայտնում է ArmSport.am-ը հղում անելով Լա Լիգայի պաշտոնական կայքին։
«Ռեալը» մրցաշրջանի մեկնարկում երեք խաղում տարել է երեք հաղթանակ՝ առավելության հասնելով «Օսասունայի» (1:0), «Ռեալ Օվյեդոյի» (3:0) և «Մայորկայի» (2:1) նկատմամբ։
Թեկնածուների թվում էին նաև Էռնեստո Վալվերդեն («Ատլետիկ») և Մանոլո Գոնսալեսը («Էսպանյոլ»)։
Չորրորդ տուրում «Ռեալը» կմրցի «Ռեալ Սոսյեդադի» հետ։ Հանդիպումը տեղի կունենա շաբաթ օրը՝ Սան Սեբաստիանում։
