Ռազմական գործողությունների սառեցումը ռազմաճակատի երկայնքով համարվում է պատերազմի ավարտի սցենարներից մեկը։ Այս մասին հայտարարել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը, հաղորդում է ՈւՆԻԱՆ-ը։
«Եթե իրատեսորեն խոսենք, այո, հնարավոր սցենարներից մեկը առաջնագծի սառեցումն է։ Եվ նախագահը խոսում է այս մասին։ Բայց կարծում եմ, որ վերջնական սցենարի վերաբերյալ որոշումը կկայացնի նախագահը», — ասել է նա։
Նրա խոսքով՝ Ուկրաինայի նախագահ Վոլոդիմիր Զելենսկու և եվրոպական առաջնորդների մակարդակով խորհրդակցություններ են ընթանում։
