Խոյ համայնքի ղեկավարը հերքել է իր և եղբոր մասնակցությամբ միջադեպի վերաբերյալ մամուլի հրապարակումը։ Այդ մասին նա գրել է իր Ֆեյսբուքյան էջում։
«Ես, Լյուդվիկ Յայլոյանս, պաշտոնապես հերքում եմ տարածված տեղեկատվությունը։ Իմ և եղբորս մասնակցությամբ նման դեպք տեղի չի ունեցել։
Տեղի ունեցած միջադեպը կապված է եղել ոստիկանության ոչ ծառայության մեջ գտնվող անձի և Շահումյան բնակավայրի մի խումբ երիտասարդների միջև, որոնց թվում է նաև իմ եղբոր որդին։ Վեճը ծագել է բացառապես ներանձնային հարցի շուրջ։ Կարևորում եմ ընդգծել, որ երկու կողմերն էլ միմյանց ազգական են։
Դեպքի առթիվ հարուցվել է քրեական գործ, որը գտնվում է վարույթում։ Վստահեցնում եմ, որ գործի քննությունը կատարվում է Հայաստանի Հանրապետության օրենքներին համապատասխան։
Այս էջի հրապարակման նյութը և լուսանկարը չի համապատասխանում իրականությանը»,-գրել է նա։
