Աֆղանստանում տեղի ունեցած ուժգին երկրաշարժի զոհերի թիվը հասել է 1124-ի, հաղորդում է CNN-ը՝ հղում անելով Աֆղանստանի Կարմիր մահիկի մարդասիրական կազմակերպությանը։
Ըստ տվյալների՝ երկրում տեղի ունեցած ցնցումների հետևանքով վիրավորվել է առնվազն 3251 մարդ։
Օգոստոսի 31-ին Աֆղանստանի արևելքում տեղի է ունեցել 6 մագնիտուդով երկրաշարժ։ Այն վերջին երկու տարիների ընթացքում երկրում ամենաուժեղն էր։ Սեպտեմբերի 1-ին Աֆղանստանի իշխանությունները Ռուսաստանից օգնություն են խնդրել բնական աղետի հետևանքները վերացնելու համար։
Աֆղանստանի կառավարության խոսնակ Զաբիհուլլահ Մուջահիդը խոստովանել է, որ երկրաշարժի զոհերի թիվը կարող է աճել փրկարարական աշխատանքների առաջընթացին զուգընթաց։
