Երևանում մեծ շոու է սպասվում։ Հուլիսի 29-ին «Զվարթնոց» օդանավակայանում վայրէջք կատարեց ավելի քան 150 արտիստներ տեղափոխող ինքնաթիռը։ Նրանց թվում են՝ արտիստներ, ակրոբատներ, երաժիշտներ, ինժեներներ և բեմանկարիչներ։ Նրանք բոլորը եկել են աշխատելու մի նախագծի շուրջ, որը Հայաստանը երբեք չի տեսել. «Տաշիր Արենան» պատրաստվում է իր առաջին պրեմիերային, և այն խոստանում է աղմկոտ լինել։
Թիմը միջազգային է, մթնոլորտը՝ սպասողական։ Նախկին լեգենդար Երևանի կրկեսի տարածքում ստեղծվել է բոլորովին նոր բան՝ ժամանակակից, տեխնոլոգիական, մասշտաբային։
Բեմադրությունը վարում է կրկեսային արվեստում համաշխարհային ճանաչում ունեցող ռեժիսոր Պավել Բրյունը։ Նա ասում է՝ այս շոուն եզակի է։ Աշխարհում նմանը երբեք չի եղել։ «Հանդիսատեսին անակնկալներ են սպասվում, շոուն լի կլինի բացահայտումներով և անկեղծությամբ»:
Մյուս արտիստները, որոնց հետ մենք զրուցեցինք, շատ բան չեն պատմում։ Նրանք չեն ցանկանում որևէ գաղտնիք բացահայտել։ Բայց մեկ բան հաստատ է՝ իսկապես զարմանալի բան է սպասվում։ Միջազգային թատերախմբի անդամները պնդում են, որ հանդիսատեսը կտեսնի մի բան, որը ոչ ոք երբեք չի արել այս տարածաշրջանում: «Մենք շատ բան ենք ներդրել նախապատրաստական աշխատանքներում, և մենք հավատում ենք, որ հանդիսատեսը կտեսնի այս ջանքերը և տպավորված կլինի»:
Բեմադրության գաղափարը ծնվել է աշխարհի լավագույն ստեղծագործական մտքերի հետ սերտ երկխոսության արդյունքում և, ի վերջո, վերածվել է այն բանի, ինչը խոստանում է դառնալ Հայաստանի նոր այցեքարտը:
Ապագա բեմի առաջին նկարներից մինչև ներկայացման վերջնական ակորդը՝ ամբողջ նախագիծը մեկ թիմի ջանքերի արդյունք է, որը համատեղում է ճարտարապետությունը, տեխնոլոգիան և արվեստը մեկ ամբողջության մեջ:
