Ավ. Իսահակյանի անվան ԿԳ-ի դահլիճում տեղի ունեցավ ֆրանսահայ գրող Մարիամ Տեր-Գուլանյանի նոր գրքի՝ «Բացակա պատմվածքը» պատմվածքների ժողովածուի շնորհանդեսը։
Միջոցառումն անցավ տարբեր՝ ուրախ, թախծոտ, վառ ու գնահատանքներով լեցուն տրամադրությամբ․․․
Բացման և ողջույնի խոսքով հանդես եկավ դերասանուհի Գայանե Սամվելյանը, ելույթներով և շնորհավորանքներով իրենց սրտի խոսքն ասացին հրատարակիչ, արձակագիր, բանաստեղծ և թարգմանիչ Վան Արյանը, գրքի խմբագիր Հակոբ Սողոմոնյանը, սրբագրիչ Աստղիկ Սաֆարյանը, գրողի հայրը՝ գրող, հրապարակախոս արձակագիր Մերուժան Տեր-Գուլանյանը, բանաստեղծ, գրականագետ, բ․գ․դ․, պրոֆեսոր Հենրիկ Էդոյանը, գրող, արձակագիր, բանաստեղծ, դրամատուրգ, սցենարիստ, լրագրող Ռոլանդ Շառոյանը, ընթացքում ընթերցումներով հանդես եկավ Գայանե Սամվելյանը։
Միջոցառումն, իր ամփոփիչ խոսքով, ավարտեց գրողը՝ Մարիամ Տեր-Գուլանյանը։
