«Լիվերպուլի» նախկին խաղացողն անվճար միացավ «Բրենթֆորդին»

Անգլիական «Բրենթֆորդը» երկու տարվա պայմանագիր կնքեց «Լիվերպուլի» նախկին կիսապաշտպան Ջորդան Հենդերսոնի հետ, որն ազատ գործակալի կարգավիճակում հեռացել էր Ամստերդամի «Այաքից»։

Հենդերսոնը 12 տարի անցկացրել է «Լիվերպուլում»՝ դառնալով Անգլիայի չեմպիոն, գավաթակիր, սուպերգավաթակիր, Անգլիայի լիգայի գավաթակիր, Չեմպիոնների լիգայի հաղթող, աշխարհի ակումբային չեմպիոն։

35-ամյա ֆուտբոլիստը Նիդերլանդների անցած առաջնությունում մասնակցել է 28 հանդիպման, խփել է 1 գոլ, կատարել 4 գոլային փոխանցում։