Ֆուտբոլի Հայաստանի չեմպիոն եւ գավաթակիր «Նոայի» խորվաթ գլխավոր մարզիչ Սանդրո Պերկովիչը նախախաղային ասուլիսում խոսել է Չեռնոգորիայի «Բուդուչնոստի» հետ առաջիկա հանդիպման մասին։ Թիմերը կհանդիպեն Չեմպիոնների լիգայի որակավորման առաջին փուլի պատասխան խաղում։ Հայաստանում 1:0 հաշվով հաղթել էր «Նոան»։
«Մեր մոտեցումը կլինի այնպես, կարծես հաշիվը 0։0 է։ Մենք հավատում ենք մեր որակներին և կանենք առավելագույնը, որպեսզի անցնենք երկրորդ փուլ»,- ասել է Սանդրո Պերկովիչը։
Պատասխան հանդիպումը տեղի կունենա հուլիսի 15-ին եւ կմեկնարկի Երեւանի ժամանակով 23:00-ին։
