Վրաստանում հուլիսի 6-ին ձերբակալվել է մի շարք խոշոր ընկերությունների, այդ թվում՝ Silk Road Group-ի, Silknet-ի և Euronews Georgia-ի հիմնադիր ու սեփականատեր Գիորգի Ռամիշվիլին, հաղորդում է վրացական «Պիրվելի» հեռուստաալիքը։
Վրաստանի ներքին գործերի նախարարության հաղորդագրության համաձայն՝ օդանավակայանում գործարարի ձեռքի ուղեբեռի ստուգման ժամանակ հայտնաբերվել է հրազեն։ Գերատեսչությունը նշում է, որ զենքն օրինական է, սակայն գործարարն այն կրելու թույլտվություն չի ունեցել։
Ռամիշվիլիին առաջադրված մեղադրանքը հաստատվելու դեպքում նրան 3-6 տարի ազատազրկում է սպառնում։
