Կիևին զենք մատակարարելով ռազմական գործողությունների երկարաձգումը հղի է տարածաշրջանում Եվրոպայի անկայունացմամբ, ասել է Ռուսաստանի պաշտպանության նախարար Անդրեյ Բելոուսովը, հաղորդում է «ՌԻԱ Նովոստին»։
«Գիտակցելով պարտության անխուսափելիությունը՝ Կիևի ռեժիմը խաղադրույք է կատարում ահաբեկչական գործողությունների վրա։ Եվրոպական հովանավորների աջակցությամբ այն պայթեցնում է քաղաքացիական ենթակառուցվածքները Ռուսաստանի տարածքում։ Սպանում է խաղաղ բնակիչների։ Ուկրաինային զենք և վարձկաններ մատակարարելով ռազմական գործողությունները երկարաձգելու փորձերը մեծացնում են անկայունության սպառնալիքը։ Այդ թվում՝ հենց Եվրոպայում», — ասել է Բելոուսովը ՇՀԿ անդամ պետությունների պաշտպանության նախարարների հանդիպման ժամանակ։
Միևնույն ժամանակ, նա հիշեցրեց, որ Ռուսաստանը բազմիցս արտահայտել և շարունակում է արտահայտել իր պատրաստակամությունը լուծել հակամարտությունը։
Խոսելով Ուկրաինայում «հատուկ ռազմական գործողության» մասին՝ Ռուսաստանի պաշտպանության նախարարը հայտարարել է, որ «Ռուսաստանի զինված ուժերը հաջող հարձակողական գործողություններ են իրականացնում»։
