Պենտագոնի ղեկավար Փիթ Հեգսեթը հրամայել է լրացուցիչ ամերիկյան ուժեր տեղակայել Մերձավոր Արևելքում՝ Իսրայելի և Իրանի միջև լարվածության ֆոնին: Այս մասին հաղորդում է RBC-Ukraine-ն՝ հղում անելով Հեգսեթին X սոցիալական ցանցում:
«Անցյալ շաբաթավերջին ես հրամայեցի լրացուցիչ ուժեր տեղակայել ԱՄՆ Կենտրոնական հրամանատարության պատասխանատվության գոտում (նկատի ունենալով Մերձավոր Արևելքը)», — գրել է Հեգսեթը:
Նրա խոսքով՝ գերակա խնդիրը ամերիկյան զորքերի պաշտպանությունն է: Նման միջոցառումները նպատակ ունեն ամրապնդել ԱՄՆ պաշտպանական կարողությունները տարածաշրջանում:
