Վաշինգտոն նահանգի Սիեթլ քաղաքում ցուցարարները ճայթռուկներ եւ քարեր են նետում ոստիկանության վրա, հայտնել են տեղի իրավապահ մարմինների աշխատակիցները X սոցիալական ցանցում։
Լոս Անջելեսում ICE-ի իրականացրած շուրջկալի հետեւանքով տեղի ունեցած անկարգություններից հետո անօրինական ներգաղթյալների դեմ Թրամփի վարչակազմի քաղաքականության դեմ բողոքի ցույցեր են տեղի ունենում նաեւ Կալիֆոռնիայի այլ քաղաքներում, այդ թվում՝ Սան Ֆրանցիսկոյում: Բողոքի ալիքը հետագայում տարածվել է երկրի այլ նահանգներում, այդ թվում՝ Վաշինգտոն նահանգում:
«Առանձին մարդիկ… սկսել են ճայթռուկներ եւ քարեր նետել սպաների վրա։ Ամբոխին հրամայված է ցրվել»,- նշվել է Սիթելի ոստիկանության վարչության հաղորդագրությունում։
Seattle Times թերթը նշել է, որ բողոքի երեկոն հիմնականում խաղաղ է անցել, սակայն մի քանի ցուցարարներ սկսել են վանդալիզմով զբաղվել։ Թերթի տվյալներով՝ քաղաքի փողոցներ են դուրս եկել հարյուրավոր մարդիկ։
