Եվրոպայի չեմպիոն Իսպանիայի հավաքականի եւ Իսպանիայի չեմպիոն «Բարսելոնայի» 17-ամյա եզրային հարձակվող Լամին Յամալը լեգենդար բրազիլացի հարձակվող Պելեից հետո առաջինն է, ում հաջողվեց մինչեւ 18 տարեկան դառնալը Ֆրանսիայի հավաքականի դեմ հանդիպումներում խփել 3 գոլ, հաղորդում է Stats Foot-ը։
Ազգերի լիգայի կիսաեզրափակիչում Իսպանիան 5:4 հաշվով հաղթել է Ֆրանսիային, Յամալը դարձել է դուբլի հեղինակ եւ ճանաչվել հանդիպման լավագույն խաղացող։
Առաջին գոլը Ֆրանսիային Յամալը խփել էր Եվրո-2024-ի կիսաեզրափակիչում (2:1) 16 տարեկանում։
Պելեն 1958թ․ աշխարհի առաջնության կիսաեզրափակիչում (5:2) 3 գոլ է խփել Ֆրանսիայի հավաքականին 17 տարեկանում։
