Վրաստանի վարչապետ Իրակլի Կոբախիձեն Անթալիայի դիվանագիտական ֆորումի շրջանակում հանդիպել է Թուրքիայի նախագահ Ռեջեփ Թայիփ Էրդողանի հետ:
Ի թիվս մի շարք հարցերի, նրանք քննարկել են նաև իրավիճակը Հարավային Կովկասում:
Վրացական լրատվամիջոցների փոխանցմամբ՝ կողմերն ընդգծել են խաղաղության և կայունության առանձնակի կարևորությունը։
Կոբախիձեն հաստատել է Վրաստանի պատրաստակամությունը՝ նպաստելու երկխոսությանը Հայաստանի և Ադրբեջանի միջև, որը կապահովի վստահության վերականգնումը և կայուն խաղաղությունը տարածաշրջանում։
Հանդիպմանը քննարկվել է նաև Վրաստան-Թուրքիա-Ադրբեջան եռակողմ ձևաչափի կարևորությունը։
