ԱՄՆ-ն արտակարգ դրություն է հայտարարել ազգային անվտանգությանը սպառնացող առեւտրային անհավասարակշռության պատճառով։ Այս մասին հայտարարել է ԱՄՆ նախագահ Դոնալդ Թրամփը։
«Այս սպառնալիքի աղբյուրը գտնվում է Միացյալ Նահանգներից դուրս՝ հիմնական առևտրային գործընկերների ներքին տնտեսական քաղաքականության և համաշխարհային առևտրային համակարգի կառուցվածքային անհավասարակշռության մեջ: Ես սույնով հայտարարում եմ ազգային արտակարգ դրություն՝ կապված այդ սպառնալիքի հետ», — ասել է նա:
Թրամփն հայտնել է, որ այլ երկրների հետ ԱՄՆ առևտրային հարաբերություններում «փոխադարձություն չկա»։ Բացի այդ, այդ հարաբերությունները «չափազանց անհավասարակշիռ են դարձել, հատկապես վերջին տարիներին»:
Հիշեցնենք` ընդհանուր առմամբ, ԱՄՆ-ը մաքսատուրքեր է մտցրել 185 երկրների ապրանքների համար, սակայն Ռուսաստանն ու Բելառուսը չեն ներառվել այս ցանկում։ Դրույքաչափերը հաշվարկվում են փոխադարձության սկզբունքով` դրանք ԱՄՆ-ից ներմուծման համար նշված երկրների կողմից սահմանված մաքսատուրքերի կեսն են։
