Գերմանիայի արտաքին գործերի նախարար Անալենա Բերբոքը չհայտարարված այցով ժամանել է Կիև՝ Ուկրաինային աջակցություն հայտնելու համար, հայտնում է Գերմանիայի ԱԳՆ-ն։
«Հաշվի առնելով ԱՄՆ-ի և Ռուսաստանի միջև առկա փակուղային իրավիճակը, բացարձակապես կարևոր է, որ մենք՝ եվրոպացիներս, ցույց տանք, որ մենք անվերապահորեն Ուկրաինայի կողքին ենք և աջակցում ենք նրան հենց հիմա: Եվ այդ պատճառով ես այսօր եկել եմ Ուկրաինա», — ասել է Բերբոքը:
Նա նշել է, որ Գերմանիայի հաջորդ կառավարությունը նույնպես կշարունակի աջակցել Ուկրաինային։
«Այսօր մենք Ուկրաինային տրամադրում ենք ևս 130 միլիոն եվրո մարդասիրական օգնություն և կայունացման համար միջոցներ»,- հավելել է նա։
Բերբոքի այցի մասին նախապես չի հայտարարվել անվտանգության նկատառումներից ելնելով, հաղորդում է DPA գործակալությունը։
