Ռուսաստանի մայրաքաղաքում տեղի ունեցած պայթյունի հետեւանքով զոհվել են գեներալ Իգոր Կիրիլովն ու նրա օգնականը։
Spiegel-ի փոխանցմամբ՝ Ուկրաինան ստանձնել է հարձակման պատասխանատվությունը։
«Այսօր հարձակումը ՌԴ զինված ուժերի ռադիացիոն, քիմիական և կենսաբանական պաշտպանության ուժերի ղեկավար գեներալ-լեյտենանտ Իգոր Կիրիլովի վրա SBU-ի հատուկ գործողություն է», — ասվում է Ուկրաինայի հետախուզական ծառայության հայտարարության մեջ:
Կիրիլովին անվանում են «կատարյալ օրինական թիրախ».
«Կիրիլովը ռազմական հանցագործ է և բացարձակապես օրինական թիրախ, քանի որ նա հրամայել է օգտագործել արգելված քիմիական զենք ուկրաինացի զինվորականների դեմ։ Այսպիսի անփառունակ վախճան է սպասվում բոլոր նրանց, ովքեր սպանում են ուկրաինացիներին։ Պատերազմական հանցագործությունների համար հատուցումն անխուսափելի է»,- ընդգծել են ՀԲԸ-ում։
Երեքշաբթի առավոտյան Մոսկվայի հարավ-արևելքում գտնվող բնակելի շենքի մոտ էլեկտրոնային սկուտերում թաքցված պայթուցիկ սարքից սպանվել է ռուս բարձրաստիճան սպա:
