Թուրքիայի, Իրանի և Ռուսաստանի արտաքին գործերի նախարարներ Հաքան Ֆիդանը, Աբբաս Արաղչին և Սերգեյ Լավրովը շաբաթ օրը կհանդիպեն Դոհայում՝ քննարկելու Սիրիայում ապստամբների կայծակնային առաջխաղացումը, Reuters-ի փոխանցմամբ, այսօր հայտնել է թուրքական դիվանագիտական աղբյուրը։
Սիրիացի ապստամբները մարտադաշտում իրենց ամենամեծ առաջխաղացումն են ունեցել 13 տարի առաջ քաղաքացիական պատերազմի սկսվելուց ի վեր:
Թուրքիան, Ռուսաստանը և Իրանը պարբերաբար բանակցություններ են վարել Սիրիայի ապագայի վերաբերյալ եռակողմ ձևաչափով:
Մինչ ՆԱՏՕ-ի անդամ Թուրքիան աջակցում է քաղաքական և զինված ընդդիմությանը, Ռուսաստանը և Իրանն աջակցում են Ասադին։
