Թուրքիայի նախագահականի հանրային կապերի վարչության տարածած հաղորդագրության համաձայն՝ երկրի նախագահ Ռեջեփ Թայիփ Էրդողանը հանդիպել է Ֆրանսիայի նախագահ Էմանուել Մակրոնի հետ։
Հանդիպումը կայացել է «Եվրոպայի քաղաքական համայնքի գագաթնաժողովի» շրջանակներում։
Օրակարգում են եղել երկկողմ հարաբերությունները, ինչպես նաև տարածաշրջանային և համաշխարհային նշանակության հարցեր։
Էրդողանն ընդգծել է, որ առևտրական և տնտեսական հարաբերությունները խորացնելը երկուստեք շահեկան կլինեն, իսկ երկու պետությունների միջև առկա հարաբերությունները որակել արմատական անցյալ ունեցող։
Թուրքիայի նախագահը նշել է, որ թուրքական պետությունը գործում է Եվրամիության ամբողջական անդամ դառնալու ռազմավարական հեռանկարով և ընդգծել է, որ անդամակցությանը գործընթացի կենդանացնելու կարիք կա։
Էրդողանն ասել է նաև, որ Թուրքիան սպասում է անցակետերի արդիականացման և վիզայի ազատականացման վերաբերյալ տրված խոստումների իրականացմանը։
Թուրք առաջնորդը ֆրանսիացի գործընկերոջ հետ զրույցում անդրադարձել է նաև Ուկրաինա-Ռուսաստան, Իսրայել-Պաղեստինի, Իսրայել-Լիբանան և այլ նմանատիպ առկա լարումներին և ընդգծել, որ դրանց ավարտը խաղաղ ու դիվանագիտական ճանապարհով բոլոր երկրների համար է շահեկան։
