Հայաստանի և Բելառուսի հարաբերություններում ոչինչ չի փոխվել: Այս մասին հոկտեմբերի 25-ին, Ազգային ժողովում ավանդական ճեպազրույցների ժամանակ հայտարարեց իշխող «Քաղաքացիական պայմանագիր» խմբակցության քարտուղար Արթուր Հովհաննիսյանը՝ մեկնաբանելով BRICS-ի գագաթնաժողովում ՀՀ վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի «ոտքի վրա» հանդիպումը։
«Բելառուսի նախագահը ներկա է գտնվել BRICS-ի գագաթնաժողովին։ Հայաստանի վարչապետի այդ հանձնարարականից հետո (պաշտոնյաների Բելառուս չայցելելու վերաբերյալ – խմբ), ոչինչ չի փոխվել։ Եթե մենք չգիտենք, թե ինչի մասին էին նրանք խոսում, ապա ինչպե՞ս կարող ենք դա մեկնաբանել: Բելառուսի հետ հարաբերություններում ոչինչ չի փոխվել. Եվս մեկ անգամ կրկնում եմ՝ Բելառուսի նախագահը պարզապես նույն հարկի տակ էր, որի տակ ընթանում է գագաթնաժողովը»,- ասաց Հովհաննիսյանը։
