Էդուարդ Սպերցյանը չի խաղա Ֆարերյան կղզիների թիմի դեմ

Հայաստանի ազգային հավաքականն այսօր՝ հոկտեմբերի 10-ին, Ազգերի լիգայի շրջանակում C լիգայի 4-րդ խմբի 3-րդ տուրում հյուրընկալվելու է Ֆարերյան կղզիների հավաքականին։

Հայաստանի ազգային հավաքականի կիսապաշտպան Էդուարդ Սպերցյանը թեթև վնասվածքի պատճառով չի մասնակցի այսօր կայանալիք հանդիպմանը։ Այս մասին հաղորդում է ՀՖՖ-ի մամուլի ծառայությունը։

Նշենք, որ հանդիպումը կայանալու է մոտ 7000 հանդիսական տեղավորող «Տորսվյոլուր» խաղադաշտում, Երևանի ժամանակով 22։45-ին։