Ուկրաինայի նախագահն ակնկալում է, որ Վաշինգտոն կատարելիք այցի ընթացքում Ջո Բայդենը կաջակցի Ուկրաինայի պատերազմին վերջ տալու իր ծրագրին։ Այս մասին Զելենսկին հայտարարել է Եվրահանձնաժողովի նախագահ Ուրսուլա ֆոն դեր Լեյենի հետ համատեղ մամուլի ասուլիսում։ Հաղորդում է BILD_Russian տելեգրամյան ալիքը։
Զելենսկու խոսքով՝ «հաղթանակի պլանը» կպահանջի արագ որոշումներ կայացնել Ուկրաինայի դաշնակիցների կողմից հոկտեմբերից դեկտեմբեր ընկած ժամանակահատվածում։ Թե կոնկրետ ինչի մասին է խոսքը, դեռ պարզ չէ։ Սպիտակ տանը հանդիպումը նախատեսված է հաջորդ հինգշաբթի։ Բացի Բայդենից, Զելենսկին նախատեսում է հանդիպել նաև ԱՄՆ նախագահի թեկնածուներ Քամալա Հարիսի և Դոնալդ Թրամփի հետ։ Ուկրաինայի նախագահը ցանկանում է «հասկանալ» Թրամփի տեսակետը Ուկրաինայի պատերազմի վերաբերյալ։
