Երևանի ավագանու հերթական նիստի ընթացքում «Հանրային ձայն» խմբակցության ղեկվար Վահան Ավագյանը ներկայացրեց իրենց խմբակցության անդամ Անուշ Գինոսյանի ավագանու անդամի լիազորությունները դադարեցնելու մասին նախագիծը:
Նրա խոսքով՝ Գինոսյանը բացակայել է 2024 թվականի փետրվարից մինչև հունիս ընկած ժամանակահատվածում Երևանի ավագանու նիստերի քվեարկությունների կեսից ավելիից. 29 քվեարկություններից 16-ին ներկա չի եղել։
Ավագյանը դիմեց իր խմբակցության անդամներին․ «Ես լսել եմ՝ ինչ շանտաժներ է եղել, կասեմ՝ «երկու վախը մի մահ է», այսքան ժամանակ եղել եք տարբեր ճնշումների տակ բոլորդ»։
Գինոսյանը, ելույթ ունենալով, ասաց, որ ինքը Երևանի ավագանու անդամների շարքում հայտնվել է Վարդան Ղուկասյանի կամքով, կամակատարը եղել է Վահան Ավագյանը։
Անուշ Գինոսյանի ավագանու անդամի լիազորությունները դադարեցվեցին 33 կողմ 2 դեմ ձայնով։
Հիշեցնենք՝ ավելի վաղ Երևանի ավագանին կողմ քվեարկեց «Ազգային առաջընթաց» խմբակցության ղեկավար Գրիգոր Երիցյանի լիազորությունները վաղաժամկետ դադարեցնելու մասին նախագծին։
