Վստահ ենք, որ երբեք չեք լքի պետականությունը պաշտպանող խրամատը․ լրանում է Սերժ Սարգսյանի 70-ամյակը

Այսօր Հայաստանի Հանրապետության երրորդ նախագահ, Արցախի հերոս Սերժ Սարգսյանի ծննդյան օրն է. լրանում է նախագահի 70-ամյակը, հայտնում են նախագահի գրասենյակից։

«Շնորհավորում և լավագույն բարեմաղթանքներ ենք հղում Ձեզ հոբելյանի առթիվ, մեծարգո՛ պարոն նախագահ:

Որքան էլ այսօր, միանգամայն հասկանալի պատճառներով, բացարձակապես տոնական տրամադրություն չունեք և օրվան էլ վերաբերվում եք ինչպես սովորական մի օրվա, բայց հատկապես ծննդյան հոբելյանը ցանկացած մարդու համար կյանքի մի հանգրվան է, երբ կամա թե ակամա հետադարձ հայացք է նետում իր ապրած տարիներին, մտովի վերստին ապրում ամեն օրը, վերաիմաստավորում, խորհում արվածի ու չարվածի մասին:

Իսկ Ձեր խոհերում, վստահաբար, Ձեր և Ձեր ընկերների պայքարի դրվագներն են՝ հանուն հայրենի Արցախի և Հայաստանի: Մի առիթով ասել եք, թե այդ տարիները ձեր կյանքի ամենածանր, ամենապատասխանատու, բայց և ամենապատվաբեր տարիներից էին:

Վստահաբար, մտովի Երևանի և Բաքվի բանտերում պահվող քաղբանտարկյալ և ռազմագերի Ձեր ընկերների ու նույն կարգավիճակում գտնվող մեր բազմաթիվ հայրենակիցների հետ եք:

Հավանաբար, վերհիշում եք նաև Ձեր տքնաջան աշխատանքի արդյունքում հայկական երկու հանրապետությունների ձեռքբերումներն ու ազգուրացների կողմից այսօր մսխված, տրորված մեր ազգային արժեքները և ցավալի կորուստները:

Եվ այս ամենից հետո Դուք անհոգնել շարունակում եք պայքարը՝ հայտարարելով, որ Հայրենիքից չեն նեղանում, սեփական ժողովրդից չեն նեղանում, անգամ եթե դեռ հասկացված չես, և որ երբեք չեք լքի հայկական պետականությունը պաշտպանող խրամատը:

Թող Աստված Ձեզ քաջառողջություն, անսպառ եռանդ, ուժ ու կորով պարգևի Ձեր համախոհների և աջակիցների հետ այդ առաքելությունը հաջողությամբ ավարտին հասցնելու ճանապարհին»:

Լրահոս

Օրացույց

Հուլիսի 2024
Ե Ե Չ Հ Ու Շ Կ
1234567
891011121314
15161718192021
22232425262728
293031