Հատուկջոկատայինները կոտրել են ՀՀ-ում Արցախի ներկայացուցչության դարպասը և ներս մտել։ Նրանք առգրավել են ներկայացուցչության տարածքում գտնվող Արցախի նախագահի Սամվել Շահրամանյանի ծառայողական մեքենան։
Լրագրողների հետ զրույցում տեղում աշխատող ոստիկանության քննիչը նշել է, որ Քրեական վարույթի շրջանակներում է ամեն ինչ տեղի ունենում։
«Նախաքննության գաղտնիք է, այս փուլում չենք կարող հայտարարել ոչինչ։ Առգրավված մեքենան տեղափոխում ենք հատուկ պահպանման տարածք՝ քննչական գործողություններ կատարելու նպատակով»,- ասել է նա։
Վերջինս հավելել է․ «Մեր գործողություններն ամբողջովին իրավաչափ է»։
